Sefydlwyd yr Awr Gymraeg yn ôl yn 2012 fel awr Twitter i hyrwyddo digwyddiadau a gweithgareddau busnesau a sefydliadau. O'r hedyn a blannwyd mae'r Awr wedi tyfu i'r pwynt lle ar ddechrau 2017 mae dros 8,000 o ddilynwyr gan y cyfrif. Yn ystod 2016 mi wnaeth yr hashnod #yagym gyrraedd 197,251,274 o linellau amser a 9,689,752 o gyfrifon Twitter.

Mae wedi bod yn llwyddiant. Mae Huw Marshall a Dewi Eirig, trefnwyr yr Awr, yn awyddus i ddatblygu'r Awr a'i gymryd i'r lefel nesaf.

Sut byddwn yn cyflawni hyn?

Mae Twitter yn gyfrwng gwych, ond mae ganddo ei gyfyngderau. Mae angen ehangu ôl troed yr Awr i ofodau newydd dylanwadol, y we a Facebook. Gwyddwn fod bron i 200,000 o gyfrifon Facebook wedi ticio'r blwch iaith "Cymraeg" hoffwn gyrraedd y mwyafrif o rain gyda gwybodaeth am wasanaethau a chynnyrch gymuned yr Awr Gymraeg.

Bydd yr arian yn ein galluogi i adeiladu gwefan fydd yn gartref i wybodaeth am gymuned yr Awr Gymraeg, yr unigolion, cwmnïau a sefydliadau sy’n defnyddio’r Awr, eu cynnyrch a gwasanaethau. Bydd map rhyngweithiol yn dangos lleoliadau ‘r busnesau a sefydliadau sy’n defnyddio’r Gymraeg. Bydd calendr digwyddiadau, gyda’r digwyddiadau yma yn ymddangos ar y map.

Bydd ofod i erthyglau, podlediadau a fideos byr am aelodau’r gymuned.
Hoffwn ddatblygu “marchnad” ar gyfer cynnyrch Cymraeg mewn partneriaeth a chwmnïau Cymraeg. Bydd modd i unigolion sydd ddim ar Twitter gweld negeseuon hyrwyddo sy'n defnyddio'r hashnod #yagym.

Bydd rheoli'r Awr ar Twitter, rheoli cynnwys y gwefan, creu cynnwys ar gyfer ein tudalen Facebook a thyfu ein cynulleidfa ar Facebook yn cymryd amser.

Bydd yr arian yn ein galluogi i dalu unigolyn i weithio 16 awr yr wythnos am fis, yn cynorthwyo Huw a Dewi yn y gwaith maent yn ei gyflawni'n wirfoddol ar hyn o bryd a dechrau creu gwefan. Mae'r cam cyntaf yma wedi ei gyflawni.

Y nod ar ddiwedd y mis yw bod cynllun yn ei le i godi'r arian ychwanegol sydd angen.

Gyda'ch cefnogaeth gallwn cyflawni hyn. Diolch