Roedd yr Ewros i fod i gael eu cynnal rhwng 12 Mehefin ac 12 Gorffennaf gyda Chymru i wynebu‘r Swistir, Twrci a’r Eidal. Fel Sir, rydym wedi penderfynu beicio, cerdded neu redeg o Swyddfa’r Sir yng Nghaernarfon i brif ddinas Y Swistir (Bern), prif ddinas Twrci (Ankara) a phrif ddinas Yr Eidal (Rhufain). Cyfanswm o 5,557.1 o filltiroedd. Byddwn yn cychwyn yr her ar 12 Mehefin ac yn gorffen ar 12 Gorffennaf. Mae croeso i aelodau a chyfeillion ymuno â ni ac fe fydd yr arian yr ydym yn ei gasglu yn cael ei rannu rhwng y Sir a’r DPJ Foundation.