Tour de Gwynedd

2 ddiwrnod - 2 olwyn - 200 milltir

Taith feicio ffrindiau Rhodri Dafydd i godi arian i Cronfa Rhodri a Ward Enfys (Glan Clwyd) a Uned Alaw (Ysbyty Gwynedd)

Diwrnod 1 ( Mehefin 17) Llithfaen - Machynlleth 106.4 milltir 8,236 troedfedd o ddringo

Diwrnod 2 (Mehefin 18) Machynlleth - Llithfaen 99 milltir 5,395 troedfedd o ddringo

Mae Cronfa Rhodri wedi ei sefydlu er cof am Rhodri Dafydd a fu farw o ganser ychydig dros flwyddyn yn ôl. Roedd yn 41 oed ac yn gadael teulu ifanc ar ei ôl. Eleri ei wraig a’i blant Mabli, Miri a Twm.

Nod y gronfa ydi; Roedd pawb oedd yn ei adnabod yn gwybod ei fod ar dân dros fyd Natur, Cerddoriaeth Gymraeg ac wrth gwrs parhad yr iaith Gymraeg. Roedd hefyd yn feiciwr brwd oedd yn wibiwr lawr allt penigamp. Felly mae’n addas iawn codi arian i’r gronfa hon efo taith feics.

Felly nod y gronfa fydd ariannu digwyddiadau fydd yn rhoi cyfle i blant a phobl ifanc gael profiadau a dysgu am fyd natur ac hyrwyddo digwyddiadau cerddorol Cymraeg. Ar hyn o bryd mae’r gronfa o dan ofal Menter Iaith Conwy.

Diolch am eich cefnogaeth